C Barcelona chuan Uruguay defender Ronald Araujo leh Dutch midfielder Frenkie de Jong te chu contract thar ziak turin an nawr a. Contract thar an ziak lo a nih erawh chan hralhchhuah ngei an tum dawn thung. (Sport – in Spanish, external)
C Everton chuan kum 22 mi Rangers leh Morocco striker Hamza Igamane an vil uluk hle. England forward Dominic Calvert-Lewin leh Portuguese striker Beto te hma lam hun tur a chian loh vangin Toffees hian striker thar lak tur an dap tan mek. (TBR Football, external)
C Juventus chuan an tlarhnung thuamchak an duh a, Feyenoord leh Slovakia defender David Hancko lak tumin hma an la. (Calciomercato – in Italian, external)
C Manchester City chuan an tlarhnung pawp mek thawm phui dan kawng an zawng a, Crystal Palace leh England defender Marc Guehi chu lak tumin an ngaihven. (Football Insider)
C Atletico Madrid chuan Old Trafford a duhsak hlawh zo tawh lo Manchester United English forward Marcus Rashford chu loan in hawh an tum dawn. (TBR Football)
C Saudi Arabia club te pawhin an dinhmun chawi san a, an league tihlu leh zualtu atan Rashford hi lak tumin an ngaihven ve bawk. (Telegraph)
C Arsenal chuan January thlaah Chelsea leh England midfielder Kiernan Dewsbury-Hall lak an rilruk. (Caught Offside)
C Crystal Palace, Leicester leh Wolves te chuan Newcastle leh Paraguay forward Miguel Almiron chu January thlaah loan a hawh tumin an ngaihven hlawm. (Sun)
C Manchester City chuan duhsak hlawh zo tawh lo Brighton leh Republic of Ireland striker Evan Ferguson chu lak tumin an ngaihven. City hian an squad thuam chak tumin ngaihtuahna an seng nasa chho ta hle. (GiveMeSport via Caught Offside)
C Fulham pawhin Ferguson hi an ngaihven ve bawk a. Anni hi chuan tun season chhung loan in hawh an duh. (Independent)
C Liverpool chuan England right-back Trent Alexander-Arnold chu contract thar tha zawk an zawrh. Real Madrid chuan Arnold hi season tawp hunah free transfer in lak an tum viau thun a, January thla khian dawr tan an tum. (Caught Offside)
C Alexander-Arnold a chhuak a nih chuan Liverpool chuana Bayer Leverkusen leh Netherlands defender Jeremie Frimpong lak an tum dawn. (Florian Plettenberg/Sky Germany)
C Scotland left-back Kieran Tierney chuan contract pawh sei theihna la nei bawk mah se nipui bazar inhawn hunah Arsenal chhuahsan ngei a tum. (Athletic)
C Hremna an tihhniam hnua club zawm tur dap mek Paul Pogba chu Marseille in lak an tum dawn. (Goal)
C Manchester United chuan kum 22 mi Portugal left-back Nuno Mendes an la ngaihven chhunzawm reng. Mendes hian PSG-ah 2026 hnu lam thleng contract a la nei a, lakchhuah a hautak deuh hlek ang. (Florian Plettenberg/Sky Germany)
C Inter Milan leh Italy defender Federico Dimarco chuan Manchester United in an dawrna hnar ngei a tum a, Serie A champion team-ah cham chhunzawm rih a duh zawk. (Tuttosport via Goal)
C Premier League club te chuan France forward Randal Kolo Muani lak tumin an ngaihven hlawm a. Paris St-Germain chuan Muani hi player hralh chhuah theih zingah an tel. (Times)
C Tottenham chu Paris St-Germain leh Slovakia defender Milan Skriniar tan January thlaah zawm theih tur zinga mi a ni. (Gazzetta – in Italian)
C Liverpool, Manchester City leh Tottenham te chuan Real Valladolid leh Spain winger Raul Moro an ngaihven hlawm a. Kum 22 mi hi 4-10m euros vel bawrin a lak theih ang. (Sport – in Spanish)
C Premier League-ah an kaisang a nih chuan Leeds chuan Liverpool leh Republic of Ireland goalkeeper Caoimhin Kelleher chu lak an tum dawn. (Team Talk)
C Leeds forward Patrick Bamford chu Serie A club Genoa leh League One side Wrexham ten lak tumin an ngaihven a, mahse manager Daniel Farke chuan an kaisan theih nana puitu a nih theih vangin January thlaah chuan chhuahtir a tum lo thung. (Team Talk)