C Borussia Dortmund chuan Brentford leh Germany forward Kevin Schade chu lak an tum zingah a tel tih an tichiang. (Sky Sports)
C West Ham boss thar Graham Potter chuan kum 26 mi English midfielder Kiernan Dewsbury-Hallleh England full-back Ben Chilwell te chu a club hlui Chelsea atangin lak a rilruk. (Teamtalk)
C Brighton leh Borussia Dortmund te chuan Liverpool winger Harvey Elliott lak tumin an ngaihven. Elliott hian Reds-ah khelhna hmun a chan tam theih loh vangin Anfield chhuahsan a duh. (Sun)
C Ipswich chuan Serbia midfielder hlui Nemanja Matic chu Lyon atangin lak an tum. (Florian Plettenberg)
C Kum 28 mi Bournemouth leh Denmark midfielder Philip Billing chuan loan a Napoli zawm turin Italy a thlawk thleng tawh. (Fabrizio Romano)
C Everton chuan kum 21 mi Lyon leh Ghana winger Ernest Nuamah lak an tum. (RMC Sport – in French)
C Leicester chuan Parma atanga French full-back Woyo Coulibaly la turin inremna an nei thei ta. (Gianluca di Marzio)
C Fenerbahce chu Aston Villa nen Brazilian centre-back Diego Carlos chungchangah £10m in an indawr. (Sky Sports)
C Manchester United leh Netherlands defender Tyrell Malacia chu Como in lak an tum. (Mail)
C England right-back Kyle Walker chuan kum hnih leh a chanve daih contract ziakin AC Milan a zawm dawn a. Walker hian ni hnih khat hnu lekah Manchester City atangin Milan hi a zawm fel thei tawh ang. (Telegraph – subscription required)
C Walker hian AC Milan elpui lian tak Inter Milan chu loan a zawm theihna hun remchang a nei naa a ngheta AC Milan zawm a thlang ta zawk. (Mail)
C Saudi Pro League team te chuan hlawh tam tak pek huam viau mah se Walker hian Europe-a cham chhunzawm a thlang ta zawk. (Sky Sports Germany)
C Napoli manager Antonio Conte chuan Manchester United winger Alejandro Garnacho chu Georgia winger Khvicha Kvaratskhelia hmunruak luahtu atan a duh. Paris St-Germain. Khvicha Kvaratskhelia hian Paris St-Germain pan a duh vangin chhuah a dil a, club pawhin chhuah an phalsak. (Sport Italia)
C Juventus nena sawizawm Uruguay defender Ronald Araujo chuan Italian club a zawm thuai theih nan Barcelona chhuahsan a duh. Catalan club hian kum 25 mi Araujo hi kawl chhunzawm ngei an duh ve thung. (Mundo Deportivo – in Spanish)
C June thlaa contract hmang zo tur German defender Mats Hummels chu Roma-ah contract thar ziah a hmanhmawh tehchuk lo. (Football Italia – in Italian)
C Zirtawp zana khelh FA Cup-a Aston Villa an hmachhawn tumin German striker Niclas Fullkrug-a’n hliam a tawrh vangin West Ham chu forward thar la turin an inpeih. (Fabrizio Romano)
C Fullkrug hi thla thum chhung vel tal chu West Ham tan a inlan theih hmel loh. (Sky Sports Germany)
C Loan a hawh an dilna hnawl a nih hnuin Monaco chuan West Ham midfielder Edson Alvarez chu a ngheta lak tumin an dawr zui leh. (Fabrizio Romano)
C Brighton & Republic of Ireland striker Evan Ferguson leh Manchester United & England forward Marcus Rashford te chu loan a West Ham zawm tur angin sawi tlang than an ni. (TBR Football)
C Nipui bazar inhawn hunah free transfer-a Newcastle United zawm tur anga sawi Everton leh England forward Dominic Calvert-Lewin chu Atalanta in January thlaah lak luh an duh. (Sun)
C Bayern Munich chuan Canada defender Alphonso Davies chu a lo thlawna chhuahtir an tum lo hle a, 25m euros (£21m) hu contract thar an zawrh. La Liga champion Real Madrid chuan Davies hi nipui bazar inhawn hunah free transfer in lak luh ngei an tum ve ngar ngar thung. (Marca – in Spanish)