C Chelsea chuan Crystal Palace in £70m an chhiar England defender Marc Guehi chu lak ngei an duh a, lak an tumna kawnga an elpui Premier League club dangte chu hneh ngei an tum. Kum 24 mi hian kum 2021 khan Chelsea atangin Crystal Palace hi a zawm a, a club hlui Blues-ah hian kir a hreh vak bik lo. (Mirror)
C Liverpool leh Manchester City te chuan Bayer Leverkusen right-sided player Jeremie Frimpong lak tumin an ngaihven. Leverkusen leh Netherlands international Frimpong te hian 40m euros (£33.1m) vel bawra dawrna an dawng a nih chuan tha takin an dawngsawng ang tiin ‘gentlemen’s agreement’ an nei. (Teamtalk)
C Arsenal chuan nipui bazar inhawn hunah Real Sociedad leh Spain midfielder Martin Zubimendi lak theih ngei an inring hle. Kum 26 mi hi nipui bazar liam ta khan Liverpool in lak an tum a. Zubimendi hian Liverpool zawm ai chuan Real Sociedad a cham chhunzawm a thlang ta zawk. (Teamtalk)
C Liverpool leh Republic of Ireland goalkeeper Caoimhin Kelleher chu Chelsea in nipui bazar inhawn huna an lak tum ber a ni zui zel. Chelsea hi Liverpool si nghak no 2 manah £40m thleng thehchhuak thei turin an inbuatsaih. (Football Insider)
C Paris St-Germain zawm tur anga thuthang awm mek kum 17 mi Barcelona leh Spain winger Lamine Yamal chuan FC Barcelona a hmangaih bur a, club dang pana chhuah chu tun dinhmunah chuan thil theih loh leh awmang lo tak a nih thu a sawi. (Mundo Deportivo – in Spanish)
C Liverpool leh Colombia forward Luis Diaz chuan kum hnih daih contract la nei bawk mah se Anfield-ah hun rei zawk cham turin contract thar ziah belh leh a duh. (TBR Football)
C Leicester City leh Crystal Palace te chuan Benfica academy chhuak Midtjylland & Guinea-Bissau forward Franculino Dju an thlithlai. (Bold – in Danish)
C Fulham, Arsenal leh West Ham winger hlui, Guinea-Bissau national men’s team head coach ni mek Luis Boa Morte chuan Blackburn Rover manager hnaruak mek chu a ngaihven. (Sun)