C Bayern Munich chuan 52m euros (£44.7m) tawktarhin kum 28 mi Liverpool leh Colombia winger Luis Diaz lei dilna an thehlut. (Bild)
C Nottingham Forest in Brentford striker Yoane Wissa lei an dilna chu hnar nawn leh a ni. Brentford hian January thla khan Gongolese international manah £50m zet an chhiar a, Forrest in lak tuma an dawrna zat an la pawm thei lo chhunzawm zel. (The Athletic – subscription required)
C Liverpool chu Eintracht Frankfurt striker Hugo Ekitike dawr turin an inpeih a, kum 23 mi la lut tur hian Uruguay forward Darwin Nunez an hralh hmasak zet a ngai dawn thung. (Givemesport)
C Reds hian Ekitike hi an hmutai viau a, mah se Newcastle United-a Sweden striker Alexander Isak dinhmun a thlithlai hmasa zet dawn thung. (Tbrfootball)
C Arsenal in kum 27 mi Sweden striker Viktor Gyokeres lak an tum chu a tlawlh mai a hlauhthawnawm ta viau a, Arsenal leh Sporting te hi ni thum chhung ngawt an inbe pawp tawh lo. (Abola – in Portuguese)
C Real Madrid chu Brazil winger Rodrygo chhuahtir turin an inpeih a, thutlukna an la siam chiang thei rih lo thung. Kum 24 mi Rodrygo hian Europe a cham chhunzawm a duh a, Arsenal telin EPL club te pawhin lak tumin an ngaihven. (Fabrizio Romano)
C Fifa Club World Cup-ah PSG hneh lova an mualpho hnuin Real Madrid manager Xabi Alonso chuan Rodrygo bakah Spanish midfielder Dani Ceballos leh Morocco midfielder Brahim Diaz te hralh ngei a duh tel bawk. (Fichajes – in Spanish)
C Spain club lian hian Tottenham Hotspur defender Cristian Romero dawr turin ruahmanna an siam a, kum 27 mi Argentina defender hi Atletico Mdrid pawhin lak tumin an ngaihven ve bawk. (Fichajes – in Spanish)
C Arsenal chuan England Under-21 attacking midfielder Ethan Nwaneri chu Chelsea leh German club ten ngaihven bawk mah se an hnenah cham chhunzawm turin contract thar a ziah ngei an ring hle. (Guardian)
C Napoli leh Galatasaray te Victor Osimhen chungchanga an indawrna a tlawlh a, man leh mualah an inrem thei lo. Turkish club hian seaspn liam taah loan-a an hawh Nigeria striker hi a ngheta lak luh duh viau mah se an la thei ngei dawn em tih a la chiang thei lo. (Gianlucadimarzio)
C Fenerbahce boss Jose Mourinho chuan Belgium forward Leandro Trossard chu lak tumin a ngaihven a, Arsenal chuan kum 30 mi hi hralh an pawiti lo hle. (Fotospor – in Turkish)
C Real Betis chuan Manchester United atanga an hawh Brazil winger Antony permanently chu a ngheta lak theih an inbeisei chhunzawm zel. Antony hian a ngheta Betis zawm tur chuan a hlawh a tihhniam ve ngei a ngai dawn thung. (Sport – in Spanish)
C Valencia head coach thar Carlos Corberan chuan English striker Jamie Vardy chu lak a tum. (Givemesport)