Foreign minister in Pakistan tlawh dawn

Kum kaw hnua a vawikhat nan India foreign minister Jaishankar chuan Pakistan a tlawh dawn.
Jaishankar hi SCO meeting-a India aiawha kal tur a ni a, he meeting hi October ni 15 leh 16 hian Islamabad-ah a awm dawn a ni. Sorkar chuan zirtawpni liamta khan foreign minister kal tur thu hi an tichiang bawk.
India media lian thenkhatte sawi danin Islamabad hian August ni 25 khan he meeting-ah hian prime minister Narendra Modi chu tel ngei turin an lo sawm tawh a, ani hian chhanglet lem lovin, meeting-ah hian foreign minister a tir dawn ta zawk a ni.
Ram inthenawm nisi a sakhua leh culture vanga inngeih lo tak India leh Pakistan ram hruaitute hi an intlawhpawh tawn khat viau a, J&K chungchangah inepna an neih reng bawk avangin tun tuma ram hruaitu lu intlawhpawh tawn tur pawh hi a chhe lam leh tha lam zawnga boruak awm vak thei nia sawi a ni bawk.
Ram hruaitu lawk pahnihte hi an intlawhpawh tawn khat viau a, tun tum pawh hi kum kaw hnua hruaitu lawkte intlawh tawnna lehna tur niin, an intlawh hnuhnung ber kum 2015 khan a hunlaia foreign minister Sushma Swaraj-i chuan meeting pawimawh vang thoin a lo tlawh a ni.