Vairengte leh Sairang inkar national highway bula ram buai neih mekte tan forect clearance tihfel a nih theih nan bawhzui sak thuai turin chief minister an ngen tih helaia ram neitu intelkhawm chuan an sawi.
Vairengte to Sairang Land Owner’s Association thuchhuak chuan, chief minister Pu Lalduhoma’m kumin August 6-a a kaihhruaia Vairengte leh Sairang inkar NH 306 leh NH 06 rambuai ngaihtuah tura thutkhawmah hemi atana forest clearence lak tumnaah amah ngeiin sawrkar laipui dawra hma lak a tum thu a sawi chu lawmawm an ti takzet a. A chungah lawmthu an sawi tih a sawi.
‘Chief minister hmathlir nei thui takin forest clearence-a harsatna kan neih mek sutkian a tum dan hi state dangte pawhin an lo tih thin tawh dan a ni tih kan hre zau ve zel a. Sawrkar laipuia Environment and Forest ministry hotu sangte hnenah a ranglama hma min lakpui tura kan ngen bakah State Assembly Session neih zawh veleha sawrkar laipui dawra min kalsak ngei turin kan ngen a. Chief minister chungah rinna leh beiseina sang tak kan nghat a ni,’ a ti.
Forest clearance bawhzui sak rang turin ram neituten CM ngen
