Forest rama reasearch tih dilna thlir
State Research Advisory Committee (SRAC) chu an chairman, commissioner & secretary H Lalengmawia kaihhruaiin an thukhawm a. Research application thar pali leh research renewal permit 4 bakah research permit updation 1 an endik.
Mizoram hmun hrang hranga protected areas leh forest areas-ah scientific research tih dawnin SRAC kaihhruaina mumal tak hnuaiah dan angin endik leh thlitfim thin a ni a. He committee hian thutlukna siamin, dan hrang hrang tlawhchhanin Mizorama research tih phalna a pek hnenah chauh research permit pek thin a ni.
He Committee hi kum 2023-a din a ni a, tun thlengin Mizoram chhung leh pawn atangin research dilna 22 awm tawhin, mi 11 hnenah research permit pek a ni tawh.
SRAC-ah hian Chief Wildlife Warden Mizoram MZ Singson chu member secretary ni mekin, principal chief conservator of Forests Mizoram, addl. PCCF, department hrang hranga hotute leh Mizoram University-a professor-te nen Committee member 16 an awm a ni.
Forest rama reasearch tih dilna thlir
