Mizoram Environmental NGOs Coordination Committee (MENCO) buatsaihin Mizoram sawrkarin Forest Right Act adopt leh a rawt chungchang chu zirchiangin Thawhlehni khan an thukhawm.
MENCO president Dr Lalbiakmawia Ngente kaihhruai thutkhawmah hian political party hrang hrang aiawh leh NGO aiawh bakah sawm bik dangte an tel a. Sawihonaah hian Mizoram environment dinhmun, Forest Right Act Rules leh Mizoram tan a thatna leh a hlauhawm theihna, dan hmansual a nih theihna laite sawi a ni.
The Scheduled Tribes & Other Traditional Forest Dwellers (Recognition of Forest Rights) Act 2006 hi Mizoramah 2009 December 31 atanga hman tan a ni a, hun engemawchen hman ve a nih hnu ah 2019 November khan hman tawh loh turin a titawp a ni.
Kumin June 18-a Council of Minister thukhawm chuan he dan hi hman leh turin a ‘adopt’ ve leh thung a. Hman leh a duh chhan nia lang hi, ramngaw leh lui kaihhnawiha Mizo khawtlang nun nena inmil tam tak zalen taka tih zui zel a remchan zawkna vang nia ngaih a nih bakah scheduled tribe awmna state dang thenkhatin anmahni state/ UT a hman tur dan an neih laiin Mizoram-in a nei ve loa, scheduled tribe-te humhimna atan hman a duh vang nia ngaih a ni bawk.
Forest Right Act adopt zirho
