Ningani zan khan Europa League last 16 play-off khelh a ni a, English club Nottingham Forrest chuan mikhual an nihna hmunah awlsam takin hnehna an chang a, mualneitu Fenerbahce chu 3-0 ngawtin an sawp. Mikhual an nihna hmunah an chak chian em vangin Robinhood-a te khua hian last 16 an luh ngei a rinawm ta hle.
English club Nottingham forrrest hi Fenerbahce hmachhawn turin Ulker Stadyumu-ah an leng lut. Mikhual an nihna hmunah an khel tha viau a, chawlhlawk hmain goal hnih an thun hman. Chak ngei tuma inlan Nottingham Forrest tan hian Murillo chuan minute 21-naah hmahruaina goal a thun. Mikhual an nihna hmunah goal thun hmasa zawk an nih vangin an phur a, an khel tha zui hle nghe nghe.
Mualneitu Fenerbahce hian an si phurh sut tumin tan khawh nasa viau mah se an hlawh tling zo lo. An si phur sut an tum luatah goal an chhuah belh ta zawk. Nottingham Forrest tan Igor Jesus chuan chawlhlawk dawn hnaih minute 43-naah an goal hnihna thunin an hmahruaina a tizau a, 2-0 a hmahruai chungin chawlhlawk an hmang.
Chawlhlawk hnu lamah EPL-a 17-na luah mektu Nottingham Forrest an khel tha chhunzawm a, goal khat an thun belh leh. Second half tan atanga minute nga hnu lekah club lian zawkte pawhin lak tuma an hel thin Morgan Gibbs-Whitechuan an goal thumna a thun a, an chakna a nemnghet. Gibbs-White goal thun hnuin goal dang a luh belh thei tawh lova, Nottingham Forrest chuan mikhual an nihna hmunah awlsam takin hnehna an chang a, last 16 an hnaih leh zual. An muala inkhel zui leh tur an nih vangin Nottingham Forrest hian last 16 an luh ngei a rinawm ta hle.
Ningani zana inkhel dangah Scottish club lian Celtics chu an mikhual VfB Stuttgart lakah 4-1 ngawtin an tlawm a, last 16 luh an beiseina a chuai ta hle.
German club Stuttgard tan hian Bilal El Khannouss chuan goal hnih a thun a. Jamie Leweling leh Tiago Tomás ten goal khat ve ve an thun bawk a, Mimualah hnehna lian an chang.
Forrest an chak awlsam
