Foster the People hla hit ‘Pumped Up Kicks’ hi 2011 khan Billboard Hot 100-ah No.3 a lo kai zak zak tawh a, 2021 khan Spotify-ah vawi tluklehdingawn stream kai tawh bawkin, tunah chuan a music video pawhin YouTube-ah mellung pawimawh, vawi tluklehdingawn en a hlawh ve leh ta a ni.
He music video-ah hian Foster the People original lineup- Foster, Mark Pontious leh Jacob Fink te an lang a, mi tam vak lo zinga an live performance a ni. A video-ah hian an hla record lai footage te pawh an dah tel.
‘Pumped Up Kicks’ hi an group album hmasa ber 2010-a an tlangzarh ‘Torches’ atanga an lead single a ni a, vawiin thlengin an group hlaah chuan a hlawhtling ber a ni zui ta a ni.
He hlaah hian tualthah duhna rilru pu Robert-a rilrua thil awmte an tarlang a ni ber a, a hla hian chanchin pawh a ngah ta phian a, MTV pawhin an lyrics an censor nyal a, 2012-a Sandy Hool Elementary School-a inkahna a thlen hnuah phei chuan US-a radio station thenkhat chuan an tichhuak chhunzawm duh ta lo nghe nghe a ni.
Foster the People ‘Pumped Up Kicks’ 1B view club-ah
