Four lane laih tura harsatna sawiho
Mizorama four lane kawngpui laih hna chak zawka a kal theihna turin Inrinni khan commissioner & secretary H Lalengmawia hoin Kolasibah Kolasib bawrhsap, NHIDCL leh EF&CC department hotute an thukhawm.
EF&CC commissioner & secretary chuan four lane kawngpui laih hna chak zawka a kal theihnan department hrang hrang, a bikin EF&CC, Power & Electricity department leh district administration chuan thawhhona leh inhriatthiamna tha zawk an neih a pawimawh tih a sawi a. An hmalakna a muan chhan hrechianga chak zawka kawng laih hna a kal theihnan thing kih ngai, electric hrui leh ban sawn chungchangah pawh NHIDCL, P&E leh Forest department chu a tul anga hma la zui tura hriattirin, harsatna a awm a nih chuan a rang thei anga district administrator hriattir turin a hrilh.
Mizorama four lane kawngpui sial hna hi tunhnai khan package 3 huamchhung Vairengte leh a chhehvel atangin hna tan a ni a. Amaherawhchu he kawngpuiin a paltlang tura thing leh mau senghawi kawngah harsatna thenkhat a awm avangin, hnathawktute hmalakna a timuang nia hriat a ni. Mizoram chief minister leh commissioner-ten chak taka hma lak a nih theih dan tur an lo sawi dun tawh a ni.
Four lane laih tura harsatna sawiho
