Four lane laiha tih that
ngai turah bawrhsap ngen
Kolasib district-a NHIDCL hnuaia four lane kawngpui laih mekah leilung ramngaw tichhe zawnga chetna titawp a, siamthat tir turin Centre for Environment & Social Justice (CESJ) chuan Kolasib bawrhsap an ngen.
CESJ thuchhuak chuan, January 11 khan Kolasib district-a kawng laih vungin lui leh a hnar, tuikhur leh tui tawmbuk a chhilh chungchang report an dawn enfiahin an kal a. Report an dawi ai daihin kawng laih vungin lui leh tuihna a tihchhiat hi a nasa a. Ram neituten leivung dawlna lungrem /lungfun siam loa an rama leivung an paih tirah kawng laitute hnen atangin hlawkna an tel a. Mipuiin kan tuar leh si chu a dik lo, tiin, fur ruahtui tlak hmaa an leivung senghawi tir turin Kolasib district bawrsap/ magistrate hnenah hian ngenna an thlen.
Bawktlang ngawa tuikhur tangkai leh hlu tak chu NHIDCL four lane kawng laihin a chhilh nia sawiin, hei hi a thuneihna hmanga stay a, tuikhur an chhilh hi haihawn tir leh turin a ngen tih a sawi. Bawktlang vela kawng laih vung, ton tam tak kawngthlanga hnawl liam chuan, ruahtui a tlak rualin Old Builum kawng a chhilh vek dawn tih sawiin, ‘Leivung dawlnghehna lungbang (retaining wall) an siam hma chuan laih belh tawh loh tur leh kawng chhilh tur leivung thiar sawn tura i thuneihna hmanga kawng laitute thu pe turin kan ngen che a ni,’ a ti.
Mualkhang Nazareth Venga mimal ram, Tlawng lui kamah kum 2025 atangin leivung tam tak paih tir tawh a ni tih sawi bawkin, fur ruahsurah leivung hi Tlawng luiah tuihawkin a hawrh lut chiam tawh a. Kuminah paih tir a ni leh tih a sawi. Hei hi titawp tur leh, leivung a paih tawh pawh Tlawng luia lut lo tura a dawlna nghet tak, ruahsur pawha leivung put lo tura a thuneihna hmanga siamtir turin an ngen tih a sawi a ni.
Four lane laiha tih that ngai turah bawrhsap ngen
