Four lane siamna atan zangna
-dawmna la dawng lo an awm
Kolasib district-a National Highway 306 & 06 four lane siam hna thawh mek leh harsatna awm chinfel dan tur sawiin Thawhtanni khan bawrhsap H Dolianbuaia kaihhruaiin a kaihhnawih sawrkar officials, NHIDCL leh Joint Action Committee hruaitute an thutkhawm.
Bawrhsap chuan, fur ruahtuiin ziaawm lam a pan chho dawn avang leh favang hun kan chuangkai dawn avangin kawng siamtu contractor-te chu thahnemngai taka theih ang anga hna thawk turin a chah a. He four lane siam mekin Mizoram mipui tana pawimawhna a neih thuk zia a sawi bawk.
Package-7 huamchhunga ram neitu thahnem takin zangnadawmna an la dawng lo chu pawi a tih thu a sawi a. La dawng lo hi mi harsa tak tak, an ram leh hmunhma eizawnna leh intunnunna atana hmang an nih avangin, a hma thei ang bera an lak theihnan NHIDCL chu theihtawp chhuah turin a chah.
Thutkhawmah hian NHIDCL official-te leh ram neituten an din Joint Action Committee Fourlane hruaitute atangin an thu ngaihthlak a ni a. Competent Authority for Land Acquisition (CALA), addl. DC B Malsawmtluangi’n ram neituten an chanvo dik tak an neih theihnan tun aia nasa zawka hma la turin NHIDCL hotute a chah ve bawk.
Four lane siamna atan zangna -dawmna la dawng lo an awm
