Foxconn chief-in Taiwan inthlanah chuh ngei tum

Terry Gou, electronics giant Foxconn dintu billioanire chuan Taiwan president thlanna neih turah a in candidate tur thu a puang chiang ta.
Gou chuan news conference a neihnaah sorkar lai Democratic Progressive Party chu sawiselin an policy chuan Taiwan chu China nena indo thei rengin a dah a ni tiin a sawi a. Taiwan hi China chuan a ram bung anga a ngaih a ni.
Hei bakah hian Taiwan chuan economy kalpui danah tih dan thar a mamawh tiin a sawi bawk a. “Ram chhunga national policy te hi tihsual thila khat a ni. Tun policy-ah hi chuan Taiwanese industry te harsatna sutkianna tur a awm lo,” tiin a sawi.
Gou-a company Foxconn hi a hma chuan Hon Hai Precision Industry Co. tih niin Apple supplier lian ber niin China-ah pawh factory a nei bawk.
Hun rei tak president nih tum tawh niin kum 2019 inthlanah han ding tawhin mahse tsai Ing-wen kaihhruai Democratic Progressive Party te a hneh lo a ni.
Kumin hian Gou chuan Kuomintang, opposition party lian ber leh China nena inhnimhnai candidate nih a tum a. Mahse, Kuomintang te chuan New Taipei City Mayor Hou Yu-ih an candidate atan an thlang ta zawk a ni.