iPhone siamtu Foxconn te chuan electric car lam an thlurbing belh zel bakah an supply chain te siamthain hei hi Washington-Beijing inkarna chhe zel vang a ni.
Foxconn chairman leh boss Young Liu chuan China atangin supply chain an thlak danglam tawh thu sawiin chutih rual chuan electric vehicles (EV) chu thluring bera an neih tur thu a sawi a.
US-China inkara chhe zelah Liu chuan Foxconn chuan a chhe ber a dawn a ngai tiin a sawi bawk a. “Remna leh muanna chu ram pahnih hruaitu ten ngaih pawimawh berah nei se kan ti hle a ni” tiin kum 67-a upa Liu chuan a sawi a.
“Mahse, sumdawng kan nih ang, CEO ka nih angin thil chhe ber thleng se tia kan chhut a ngai a ni,” tiin Liu chuan a sawi bawk a. Chhe ber thleng theia ngaihah China chuan Taiwan chu dang chat bur se emaw run se tih te pawh a tel a ni.
Liu chuan an sumdawnna kalpui zui zel a nih theih nan ruahmanna an siam thu sawiin ‘national security product’ nena inthlunzawmna nei thenkhatte chu China atangin Mexico leh Vietnam-ah te an sawn tawh tiin a sawi a.
Hei hi Foxconn tena server te data centre tana an hman te leh information pawimawh tak tak awmna te a sawina nia ngaih a ni a.
Foxconn, official a Hon Hai Technology Group te hi kum 1974 a bultan kha niin TV siamtu anga lar an ni a. Tunah chuan khawvela technology company thiltithei ber pawl ni tawhin an annual revenue pawh $200 billion chuang lawih a ni.
Apple product zah lawih – iPhone atanga iMacs thlengin an siam a ni a, chu mai bakah chuan Microsoft, Sony, Dell leh Amazon te pawh an client zingah an tel.
Multinational corporation anga chetla in an product te chu US-ah design a ni a, China ah manufacture niin chuta tangin khawvel pumah hralh tura thawnchhuah thin a ni a. Chu chu sumdawng tenau tak an nih atanga tuna consumer electronic giants an nih theihna chu a ni.
Mahse Washington leh Beijing inbakkaihna kal zelah global supply chain siamrem loh theih loh a awm a, chutih lai chuan Foxconn chu khawvela economy lian ber pahnih te karchehin an awm a, company lian an nih theih nana pawimawh ber ber pahnih te dan chepin an awm mek a ni.
US leh China te chu thil tam takah inbakaih mekin sumdawnna atanga Ukraine indona thlengin an ngaihdan a inang lo va. An inbakaihna lian nasa ber theia ngaih chu Foxconn tena headquarter an neihna Taiwan a ni bawk si a ni.
Taiwan chu hun rei tak China tan chuan hling niin Chinese leader Xi Jinping chuan ‘reunification’ thlen tir ngei a tum bur chuan boruak a siam tang hle reng a ni. Chutihlaiin President Biden kaihhruaina hnuaiah US chuan tlanghrakin China in Taiwan a run a nih chuan US-in a chhan dawn a ti chheu bawk.
Taiwan mahni inrelbawl ram ni se tia duhna chu China huat ber a ni bawk a, chutih laiin White House erawh chuan Taipei nen ni lo Beijing nen chauh diplomatic relations a nei tiin a sawi ve reng bawk.
Tunkar tawp lam hian US Secretary of State Antony Blinken chuan China a tlawh dawn a. Chutih rual erawh chuan China-in Taiwan a run mai hlauhna a lian hle reng a, US general pakhat chuan thil thleng reng thei a ni tiin a sawi.
“United States leh China te hian strategic competition an nei mek a ni” tiin Shihoko Goto, deputy director, Asia Programma, Wilson Centre, Washington DC chuan a sawi a. “Foxconn chuan ram pahnihte nena sumdawn a duh ve ve a, mahse winner pakhat chauh an awm thei si a ni,” a ti bawk.
Chu chu thil awlsam a ni si lo. Foxconn te business model-ah chuan US design niin Chinese manufacture a ni thung a, chu chu awlsam taka hnawl theih a ni si lo.
“Hnathawk tam tak ram hrang hrang atangin China atang pawhin kan chhawr a, China pawhin hnathawk te thlawp a duh,” tiin Liu chuan a sawi a. Liu chuan China sorkar chuan Foxconn te ang chu awm reng se a duh tia sawiin a chhan chu hna tam tak an siam vang a ni tiin a sawi.
Tun thlengin China sorkar atanga nawrna emaw Foxconn chuan a la tawng lo tiin Liu chuan a sawi a. Mahse, khawthlang ram te chuan China laka fimkhur turin an ram company te an ti nasa tiin a sawi thung a, chu chu de-risking tih niin China atangin him zawk nia ngaihah an insawn nasa bawk
Foxconn ten China chhuahsan hret hret
