France in venhimna tikhauh
Ningani zan khan France leh Israel chuan international football an khelh dawn avangin Paris-ah police sang tam tak duty tir an ni.
Kar khat kalta khan Amsterdam-ah Israel club Maccabi Tel Aviv fans te chuan beih tawkin, Netherlands sorkar chuan buaina thleng hi a lo chhui zui char char tawh a, hetiang buaina hi a thlen ve loh nan France sorkar chu a inralring nasa hle.
Paris police hotu Laurent Nunez sawi danin officer 4000 chu duty in an kalkual reng dawn a, midang 2500 chu khawpui pawn lama duty tir niin, stadium chhungah private security guard 1600 an awm dawn thu a sawi.
Israel leh an thenawm ramte buaina hian ramdangte thlengin nghawng a nei lian chho hle a, Israel huat hrim hrimna thleng chho zelin, Netherlands rama buaina a chhuah tum pawh hian mi tam tak chuan ‘Free Palestine’ tih poster an kengchhuak a ni.
France in venhimna tikhauh
