World Cup 2026 khelh mek chu zanin zanlai dar 1:30 (naktuk zing) atangin khelh tan a ni dawn a, champion tura rinkai France in Morocco an hmachhawn dawn.
France leh Morocco te hi vawi hnih an lo inhmachhawn tawh a, World Cup 2022 khan semi-final-ah intumin 2-0 in France an chak a. Friendly match-ah 2-2 in an lo inhnehtawk tawh bawk. WC22 semi-final-a an hneh loh France bawk an hmachhawn leh tur hi Morocco tan fiahna hautak a tling dawn a. An tlawm tawhna phuba lain, semi-final luh nei an tumruh hle ngei dawn. France in an lawn tawhna kungah lawn leh theih ngei an inring viau thung a, inkhel hmuhnawm tak a ni ngei a rinawm.
France hian an that theih dan ang berin Morocco an hmachhawn thei dawn a, hliam thar lam an nei lo. Morocco forward pawimawh Ismaila Saibari a inhliam a, France a hmachhawn thei dawn em a chiang lo thung.
France vs Morocco
