Supreme Court chuan inthlan dawna political party tena ‘irrational freebies’ an tiam chu ‘corrupt practice’ anga puang tura ngenna chu a ngaihtuah leh mek.
October thla khan Chief Justice of India D.Y. Chandrachud kaihhruai Bench chuan Madhya Pradesh leh Rajasthan sorkarte chu Assembly inthlan hmain freebies pek nan public funds te an hmang sual tia puhnaah insawifiah turin a lo ti tawh bawk.
Political party te chu inthlan dawnah ‘free gifts’ tiamin chu ta an duh ang anga thutiam an neih te tihhlawhtlin theih nana an hmalaknaah State sumin a tuar lutuk tia puh an ni.
Senior advocate Vijay Hansaria chuan court chuan ‘freebies pek hi Section 123 of the Representation of the People Act, 1951 hnuaiah corrupt practice a puan tur a ni em tichiang se’ tiin a sawi a.
Petitioner aiawh senior advocate Arvind Datar pawhin political party te chuan freebies chu Directive Principles of State Policy nen an thlunzawm tiin a sawi bawk a.
Hei bakah hian Datar chuan court chuan freebies chu sum senna Union emaw State-in an revenue atanga an rulh ngei tur emaw a siam dan ngaihtuah turin a ngen bawk a.
“US Supreme Court judgement awmah public funds te chu private assets siam nana hman theih a ni lo tih a ni” tiin a sawi.
Advocate Prashant Bhushan chuan freebies zawng zawng chu huang khata khung chi a ni lo mipui te hnena pek ‘welfare cause’ a awm hrang tiin a sawi bawk.
“Loan la rul duh lo te ngaihdam hi freebie dik lo a ni a. Sakhua tihbik neih te hnena hlawkna pek pawh freebie hleih nei a ni,” tiin senior advocatwe Prashant Bhushan chuan a sawi bawk.
Freebies chungchang SC-in ngaihtuah zel
