French Montana leh Dubai Princess Sheikha Mahra inhual
Rapper French Montana, kum 40, (a hming tak Karim Kharbouch) leh Dubai princess Sheikha Mahra Mohammed Rashed Al Maktoum, kum 31, te an inhual tih TMZ-in a puang a, anni pahnih hi June thlaa Paris Fashion Week laia inhual tawh an nih thu an tarlang bawk.
Sheikha Mara hi Sheikh Mana bin Mohammed bin Rashid bin Mana Al Maktoum nen July 2024 khan an inthen a, an inthenna hian Mahra hi a tilar riau a, a chanchin khawvelin a ngaihven lehzual phah ta a ni.
Mahra hian a pasal hi a lakah a rinawm lo ni a puhin, Muslim mipa ten an nupui te an then theihna dan ‘triple talaq’ an tih mai, “Ka then che” tih vawi thum an sawi chuan an inthen maina dan chu hmang vein, a hmeichhia zawkin a pasal hi social media kaltlangin, “Ka then che” tih vawi thum a sawi khum ve ta zawk a ni.
‘Triple talaq’ hi mipa ten an nupuite an then theihna dan pakhat anga an hman thin a nih laia Mahra-i’n a pasal then nana a hmang hian sawi zui a hlawh viau a, hmeichhe zinga pasal te then nana ‘triple talaq’ hmang hmasa ber ni a hriat a ni a, he dan hi hmeichhe tana hman ve theih a ni reng em tihah pawh inhnialna a chawk chhuak nghe nghe a ni. Mahse, Mahra hi Dubai lal fanu a ni miau a, han sawibuai zui vak ngam an awm lo a ni ang e!
French Montana pawh hi hmeichhe lar tak tak lo date ve nual tawh a ni a, Khloe Kardashian, Iggy Azalea leh Rubi Rose te nen pawh lo inzui ve zak zak tawh a ni.
French Montana leh Dubai Princess Sheikha Mahra inhual
