Kumin fur atan Supply department chuan hmun kilkhawr, pan harsa zuala chengte tana kudam-ah buhfai a chhek khawl lawk tawk tawh.
Food, Civil Supplies & Consumer Affairs department hotute sawi danin, kumtina an tih thin angin kuminah pawh fur khawchhiat laia khaw thenkhat tlawhpawh harsa leh ei leh bar lakluh harsatna thin khuaten buhfai an tlakchham lohna turin chhekkhawl lawk (monsoon stocking) a kalpui a. Heng khaw hrang hrangah hian furpui chhunga anmahni chawmtu Supply Centre 70-ah an mamawh tur zat chhut lawk buhfai quintal 1,66,655.90 an thlen kim tawh.
‘Mipui, a bikin thingtlang hmun kilkhawr zawka chengte furpui a lo thleng a nih pawhin buhfaiah harsatna a awm dawn lo tih kan inhriattir a ni,’ an ti.
Fur atan buhfai chhek tawk
