Kumin fur atana inpuahchahna hrang hrang sawi hoin Lawngtlai district bawrhsap, District Disaster Management Authority chairman Cheemala Siva Gopal Reddy hoin Thawhtanni khan thutkhawm a ni.
DDMA chairman chuan Mizoramah fur ruahtui a tla tam thin a, khuarel chhiatna hrang hrang a thlen theih avangin inralrin lawk a tul tih a sawi a. Hmasawnna hnathawh hrang hrangte fur thlen hmaa thawh zawh a nih theih nan works department ho chu chak taka hma la tura chahin, department hrang hrang pawh – eng, tui, kawng, buhfai, nitin mamawh, hriselna kaihhnawih leh thildangah fur laia harsatna a awm loh nan mahni zawn theuhah inpuahchah turin a chah.
Sawrkar department hrang hrang hotute, Lawngtlai District VC Association aiawh leh tlawmngai pawl aiawhte an tel a. Khuarel chhiatna leh chhiatna hrang hrang thleng thei laka sawrkarin inpuahchahna leh ruahmanna a neihte sawi niin, chiatna tuarte tanpui kawngah sawrkar atangin chhawmdawlna leh zangnadawmna a tul anga ngaihtuah sak leh pek thin an nih thu sawi a ni bawk.
Fur atan Lawngtlai inpuahchah
