Fur laia khuh leh hritlang laka inven hi a pawimawh. Sik leh sa lo danglamah hian hritlang te a tam duh a, fur ruahtui tam laiin viral leh bacterial infection te pawh a pung duh a, dam lohna chi hrang hrang a tam duh riau a ni. Tun tumah hian Times of India health section-in fur laia hritlang leh khuh laka invenna atana tha ni a an sawi te kan rawn tarlang e.
Invenna tha tak chu purunsen tui (onion water) a ni. Purunsen hi chu choka zawng zawngah a awm ang tih tur khawpin kan ei nasa a ni. Purunsen tui hian fur laia natna chi hrang hrang lakah min veng thei tlat mai, a bikin hritlang leh khuh bakah infection dang lakah te pawh min veng thei niin mithiam ten an sawi.
Engtin nge purunsen tui chu i siam ang-
– Purunsen pum khat chansawm rawh
– Bowl lian vak lohah tui dah rawh
– Bowl-a i tui dahah chuan purunsen i chansawm chu darkar 6-8 chiah rawh
I chiah hnuah a tui chu nitin chaweinaa hman chi thirfian (tablespoon) hnih i in thin dawn nia. Hei hi naupang te pawh in tir ve theih a ni a, naupang chu i in tlem tir deuh mai dawn a ni.
Purunsen tui chu a hlanga in harsa i ti deuh a nih chuan a in a nawm deuh zawk nan duh leh khawizu te pawh i telh dawn nia. Khawizu hian anti-inflammatory properties a neih ve tho avangin purunsen tui hnathawh a tichak ve nghal sawt dawn bawk a ni.
Purunsen hian antioxidant leh anti-flammatory vitamin a pai hnem hle a, hritlang tan a tha hle. Purunsenah hian chemicals- thiosulphates, sulfides leh sulfoxides te a awm a, antiviral properties a nei bawk a, a rim a nat zawh poh leh a tha ting a ni mai.
Purunsen tuiah hian antimicrobial agent a awm a, chu chuan kan chil kawng vel hnawhtu khak te pawh a tifai thei a, chuap tifaitu tha tak a ni bawk. Taksain natna a do theihna a tichak thei bawk.
Fur laia khuh leh hritlang laka invenna
![](https://theaizawlpost.org/wp-content/uploads/tap_logo-min-large.jpg)