Boxing palian huanga boxer tha ber pawl, world champion pawh lo ni reng tawh Tyson Fury chuan a vawi hnih nan inhnek a chawlhsan. Inhnek chawlhsan mek Tyson Fury hian kir leh a tum a, vawi hnih a hneh loh Oleksandr Usyk hmachhawn leh tumin a inla fit leh mek.
Palian huangah champion a, tlawm nei lova kal tluang reng Fury hian kawnghren pali inchuhnaah mak tak maiin Ukranian boxer huaisen Usyk a hneh lo teh tlat a, palian huangah kawnghren pali kawl khawm thei hmasa ber nih a tumna a puitlin zo lo. Usyk nen inhmachhawn nawn leh mah se a hma aia chiang mahin a tlawm zui leh. Usyk lakah a tlawm nawn vangin inhnek a chawlhsan thu a puang a, a vawi hnih nan inhnek a chawlhsan.
A vawi hnih nan boxing c hawlhsan tawh mah se Usyk laka a tlawm nawn chu a hrethiam thei meuh lo va, phuba la thei turin a vawi thum nan inhnek nawn leh ngat a duh. Usyk hmachhawn nawn leh a duh vang hian a in la fit thar leh a, Gym a kal ngawrh hle niin a promoter Frank Warrent chuan a sawi. Fury-a’n hmachhawn leh a tum Usyk hian vawi khat a hneh tawh Daniel Dubois a hmachhawn dawn thung a. A hma lam hun tur a la chiang lo thung.
