G20 hmalakna duh lo ‘We 20’ pawl din

India rama pawl 70 chuangte chuan “people’s Summit” an nei a, an hmingah “We 20” intiin G20 ‘economic leh political agenda’ an duh loh vang a ni.
G20 policy te kan duh loh avangin “We 20” kan din a ni tiin agriculture, climate change, banking, finance, labour, employment leh shrinking democratic places chungchangah te working paper 13 an draft zui a ni.
Shrinking democratic places a working paper an ziahah chuan Centre chuan non-governmental organisation te chu thlurbingin foreign fund an dawn tur a hrek tiin an sawi a.
“NGOs tam tak te chu Foreign Contribution Regulation Act hmangin an institution-a kalpui zel dan turah innghat an ni a, chung te chu dawng thei lova siam an ni a, a chhan chu an FCRA renewal te chu phalsak an ni lo a ni,” tiin an sawi a.
Hei vang hian India rama organisation tam tak te chuan harsatna tawkin community hrang hrangte puitute chuan harsatna an tawk a ni an ti bawk a. Hei bakah hian tun Centre sorkar chu journalist leh activists leh independent media te tana harsatna thlentu tiin an sawi bawk.
Agriculture chungchanga concept paper an siam chuan he sector ah hian stakeholder te nena dialogue awm se tiin sumdawng lian tena agriculture hui an tum chu khap ni se an ti bawk a.
Labour and Employment chungchangah pawh universal social security sawihona a awm dawn chuan eng vangin nge worker tam ber tena an neih loh tia bul \an a ngai an ti bawk a.
“Indian workers 10 zinga pakua zelin social security benefits an nei lo. Tuna economic model kan hman mek hi chuan corporation lian mi tlem te te thlurbing tumna a ni,” tiin paper chuan a tarlang bawk.
Inequality chungchangah pawh Indians mihausa ber berte chu sorkar policy avanga hlawkna chang tam ber ber an ni an ti bawk a. “Indians mihausa tawntaw 1% te hian 2% wealth tax leh 33% inheritance tax an pek a hun tawh a ni,” an ti bawk.