Khawvela economy ram lian zual 20-te kalkhawmna G20 summit Brazil-a neihah Gaza leh Israel buaina bakah, Ukraine leh Russia buainate chu tihreh a nih thuai theih nana hmalak ho an remti.
Hetihlai hian an hmalak dan tur leh bultan dan tur erawh an sawi lo thung a, thawhtannia an thuchhuahah chuan indona tawng mek ramte chuan zalenna an neih hlawm theih nan a rang lama hmalak nise an tih thu an tarlang a ni.
Tin, united nation security council chuan permanent member panga chauh a neih mek hi a tihlen theih nan hmalak nise, an ti bawk a. Mi hausate khawvela a chan mai loh nan ram hrang hrangte chu inkawmngeih a tul thu an sawi.
Ni thum awh he summit-ah hian Brazil president Luiz Inacio Lula da Silva chuan US president-elect Donald Trump chu khawvel hmalam hun atan a pawimawh hle dawn niin a sawi a, middle-east leh Ukraine buainate pawh a hmetmit rang thei ber tur a nih thu sawiin, a lakah beiseina sang tak an neih thu a sawi bawk.
G20 summit-a kalkhawmten Gaza leh Ukraine buaina chinfel duh
