Lok Sabha inthlanpui kaihhnawihah Mizoram sawrkara General Administration Department secretary atan R Lalramnghaka, IAS chu ruat thar a ni.
Election Commission of India secretary Lata Tripathi-a’n Mizoram chief secretary Dr Renu Sharma a rawn hriattir angin, Mizoram sawrkara commissioner & secretary to chief minister, General Administration Department leh Planning & Programme Implementation secretary ni bawk Vanlaldina Fanai, ICAS chu GAD hi IAS leh a dang ho, election official – district election officer-te enkawltu a nih avangin GAD secretary atan senior zawk dah an nih theihnan siamrem turin a ti a. He hna chelh lailawk tur hi senior officer pathum tal duhthlan tur thehlut turin a ti a ni.
Hemi ang hian ECI thu angin, tuna Mizoram sawrkar hnuaia commissioner/ secretary hna thawk mek, R Lalramnghaka, IAS (AGMUT: 2009) chu thu leh awm hma in GAD secretary atana ruat tura a rawt angin, Mizoram sawrkar chuan ruatna thu hi a tichhuak.
GAD secretary ruat thar
