Gaza indonaah bomb vangin boral

Gaza indonaa \anpui hnathawka kal Lalzawmi Frankcom (43) chu Thawhlehni khan bomb vangin a boral.
Lalzawmi hi indonaa \anpui hnathawktu World Central Kitchen (WCK) pawla thawk a ni a, Aizawla an chhungte sawi danin, Thawh\anni khan eitur nei lote ei tur pe turin motor pathumin Gaza hi an lut a ni.
Tun \um hi a zam a, a zam thu te pawh a sawi an ti a, Gaza an luh hnu lawkah a boral ta mai nia an hriat thu an sawi.
Zawmi hi Lalrinmawii leh Paul Frankcom te fanu, Australia-a cheng an ni a, mahse Bangkok-ah WCK-ah hian senior manager hna thawkin a awm. WCK hian indona hmuna mite eitur an pek hian a lum kherin an pe \hin.
Lalzawmi ruang hi Australia-a lak tur a ni a, ruang an hal hnuah a vap chu Australia leh Mizorama phum an tum tih thu dawn a ni.