Gigi Hadid leh Bradley Cooper te chu New York City-ah zing kar ruah an do dun lai an hmu fuh leh ta tlat mai a, he supermodel leh actor te inkarah romatic boruak awm ni thulengvak pawh a tak tak a ang tan ta khawp mai.
Gigi, kum 28, hi khawvawt tawrh inhuam zakin, coat fual dum leh a mipui kekawr, lukhum leh Bew Balance sneaker leh sunglass nen a thawk chhuak a, Bradley, kum 48, pawh hi pullover sweater pawl, sweatpant dum leh Nike Air Jordan nen a intam a, Ellen DeGeneres show branded boxer a hak pawh a kekawr kawngah a rawn lang deuh tat bawk.
Anni pahnih hi October ni 5 khan West Village-ah an thiante nen zanriah an kilho a, chuta tang chuan an pahniha chhuak dunin, car-ah an chuang dun ta a ni. Heta tang hian an inkarah ri deuh rêt ret a awm niin thu a thang tan ta, a hnu lawkMercedes-Benz G-Glass SUV-ah chuang dunin, Big Apple velah an hmu dun leh tawh bawk a ni.
An pahnih hi chuan an inkar thu hi engmah an sawi lo ve ve a, kumin Met Gala-ah khan an tel ve ve a, kha kha an inzui tanna ni a sawi te pawh an awm. Bradley Cooper hi Leonardo DiCaprio nena inthian an ni a, DiCaprio leh Gigi hi nikum khan an ‘ni’ ve zuai tawh bawk. Gigi hian musician Cody Simpson pawh a lo date ve zuai tawh a, One Direction member thin Zayn Malik nen rei tak an inzui a, fanu kum thum mi an nei nghe nghe a ni,
Bradley pawh hian model Irina Shayk nen fanu kum 6 mi a nei tawh a, Irina nen hian 2015-2019 kha an inzui a ni. Irina hi Cristiano Ronaldo nen pawh lo inkawp ve reng tawh kha a ni a, Irina leh Gigi te hi an lo thawk dun lawp lawp tawh thin bawk a ni.
Gigi Hadid leh Bradley Cooper an ‘ni’ em ni?
