BRICS (Brazil, Russia, India, China, and South Africa) chu Global South-in harsatna a tawh te sawihona platform a ni tawh tiin Prime Minister Narendra Modi chuan South Africa leh Greece a pan hmain a sawi.
Modi hi Johannesburg-a August 22 leh 24 a BRICS summit-ah a tel dawn a, hetah hian BRICS-Africa Outreach leh BRICS Plus Dialogue ah bakah bilateral meeting hrang hrang neih turah a tel ang.
“Sector hrang hrangah BRICS chuan thawhhona chak tak a kalpui mek a. Global South pum mamawh sawiho nan ber hman a ni tawh a, development chungchang te multilateral system reform chungchang te pawh a huam vek a ni” tiin a sawi.
15th BRICS summit Johannesburg-a neih tur hi kum 2019 hnua hmaichhana neih hmasak ber tur niin Covid-19 pandemic avangin virtual hlira neihin a awm a. Johannesburg meeting hian pawimawhna tak nei dawnin group tihlena Iran, Bangladesh leh developing economies ram dang te telh tur leh tur loh sawiho a ni ang.
“Kan mi sawm ram tam tak te kan event huaihawta tel tur te nena inhmuhna kan nei dawn a ni” tiin Modi chuan a sawi a. Johannesburg atang hian Athens panin a kal leh ang a, Greek Prime Minister Kyriakos Mitsotakis chuan an ram tlawh turin a sawm a ni.
August 25-ah Greece tlawh dawnin kum sawm chhunga India Prime Minister Greece tlawh hmasa ber a ni dawn bawk.
“Ram pahnih te civilisation inpawhna kum zabi hnih chuang kalta khan neih tan tawh a ni a. Tunlaiah kan inzawmna pawh democracy values, rule of law leh pluralism avangin kan tichak zel a ni. Ram pahnih inlaichinna chu sector hrang hrang sumdawnna leh investment lam te, defence leh cultural leh people-to-people contact avangin nghet zawka inzawmna a awm zel a ni” tiin Prime Minister Modi chuan a sawi.
Kumina BRICS meeting hian pawimawhna thuk tak a nei tia sawi niin ram hrang hrang BRICS a tel duh te leh dilna siam te member an nih leh nih loh tur ngaihtuah a ni dawn a, chung ram zinga langsar ber pakhat chu Saudi Arabia a ni bawk a, Saudi bakah hian Arab ram pawimawh dang te pawhin zawm an dil bawk.
Global South harsatna sawina BRICS ti
