GNAC-in zirlai tharte lawm
Govt Aizawl North College chuan Nilaini khan Freshers’ Social an hmang a. Higher & Technical Education minister Dr Vanlalthlana’n a hmanpui.
Freshers’ Social hi GANC Students’ Union buatsaih niin, GANC Mizoram College Teachers Association chuan an zirlai tithate an chawimawi nghal a ni.
Mizoram University hnuaia exam result chhuaka rank holder-te hnenah ‘Teachers Award 2025’ hlan an ni a. English core-a 4-na Shristi Lalruatmawii Chinzah hnenah ‘Prof R. Lalnuntluanga Award’ hlan niin, Mizo core-a 6-na Lalhriatpuii leh History core-a 10-na Lalchhanchhuahi hnenah chawimawina hlan a ni bawk.
Kumin June-a Rohtak Haryana-a 6th National Muay Thai Championship neiha Bantam Weight senior (60 kg) category-a gold medal latu Lalramsanglian Vaiphei (2nd semester) hnenah ‘Teachers’ Award for National Medalist’ hlan a ni a. Kumin March-a 19th Mizoram Open Taekwondo Championship 2025 neiha Kyorugi Senior under 80 kg category-a gold medal latu Lalzarzova (6th semester) hnenah ‘Teachers’ Award for State Medalist’ hlan a ni.
GNAC-in zirlai tharte lawm
