Govt. Industrial Training Institute (ITI) Aizawla zirlai zirchhuak 219-te pualin September 15 khan convocation hman a ni.
Govt. ITI Aizawl hian kumin, 2023- 2024 hian zirlai 419 a nei a. Result chhuak hnuhnung berah khan overall pass percentage zaa 98.2 niin, Govt. ITI Mizoram din tirh atanga result that ber tum a ni a, India ram state hrang hranga Govt. ITI zingah result nei tha pawlah a tel.
Convocation hmanpuitu LESDE secretary Lalramsanga Sailo chuan Mizorama ITI zirna in hma a sawn zel avang leh Mizo thalaiten thiamthil zir kawnga ke an pen nasa chu lawmawm a tih thu a sawi a. Kumina engineering trade hrang hrang zirlai pass chhuakten an result chhuah hmaa hna tha tak an hmu vek thei chu lawmawm a tih thu a sawi.
Govt ITI Aizawlah hian trade thar, solar technician hawn belh niin, drone technology leh artificial inteligent course hawn belh tura hma lak mek a ni. Drone technology bik zirchiang tur hian Govt ITI instructor-in training course a kal mek a, mamawhna a san a em avangin electrician trade unit 1 hawn belh a ni bawk.
Govt. ITI Aizawl-in zirlai zirchhuak thlah
