Agriculture minister-in thla khat liam kaltaa press conference a koh tuma Sawhthing Grade ‘A’ chungchang sawi chhuah chuan tunlai hian social media a luah nasa leh hle a.
Press conference neih tum khan, Dr. KC Lalmalsawmzauva, Adviser to Chief Minister-in, support price chungchangah fimkhur a ngaihzia thu a sawi a. “Policy-ah hi chuan thil hi kan han ziak a, a detail hi ziah sen pawh a ni chuang lova, Rs 50 tiha hi Grade ‘A’ sawina a ni, tih hi chiang fek fawkin kan sawi duh a ni. A chhan chu, han inchan ta ila, mahniah, a nepnawi zawng zawng leh keimahni pawhin kan lei duh loh tur, sawrkar a nih avanga vawm luh liam tumna rilru corruption kha awm lo sela tih hi vawiin niah hian chiang deuhvin kan sawi duh..” tiin a sawi a. Grade B chungchangah sawrkarin rate a siam lo, siam hleih theih pawh a ni lo a, society-te leh a leitute indawrnaah kan dah… tiin a sawi zawm bawk a nih kha.
Hemi chungchangah hian, social media platform (Whatsapp group) thenkhatah chuan, ‘sawrkar hian sawhthing hralh a huphurh leh deuh a nih hmel’ tih te, ‘sawhthing thar hi a tam lutuk ang tih a hlauthawng..’ tihte a awm nawk a. |henkhat chuan Grade A leh B-ah hian buaina tur a awm lo, kan vaiin Grade ‘A’ vek kan ni ang, mahse chhe lutuk chu sawi theih a ni lo…’ tih te; ‘Mizoram sawrkar hian pawisa a nei lo a ni ber…’ tih te a ni bawk a. |henkhat chuan ‘eng pawh ni se, tui takin i enkawl phawt ang u, engtin tak nge Grade an siam dawn lah hriat a la ni bawk si lo… buan ahmaa kherh te pawh kan ang deuh e…’ tihte a ni nawk hlawm a.
A ni lah tak a, sawhthing Rs 50-a lei tur chin chu Grade ‘A’ a nih thu chiang fek fawka sawi theih a nih laiin, Grade ‘A’ chu a eng chin nge tih chiang fek fawka sawi zui a awm leh si lo a. Election campaign laia sawhthing lei dan tur sawi dan leh, sawrkarna fawng chelh hnua sawhthing lei dan tur sawi chu, ‘detail-a ziah sen a ni lo’ tih hmanga sawi mam a nih tawh hnuah pawh, Grade A leh Grade B then a nih dan sawi chian zui a la ni leh ta chuang lo niin a lang a. Research base-a kal inti tan chuan, thil hi a tlachawp lutuk deuh thin em aw, a tih theih awm e. Society leh a leitute inkara harsatna a lo awm pawh a, sawhthing chingtuten sawhthing an dehral hrim hrim theihna tur support price siam a ni a, sawrkarin thlai thar leina tura budget a dah zat hmanralna tur a awm a nih chuan thil lawmawm tak a ni dawn a, sawrkar hian a lo insawi bat tawh tihhlawhtlin tum phawt mai se, a thei ta lo a nih chuan, a theih loh chhan kha mipui an hrilhfiah leh mai tur niawm tak a ni. Lo intlawhkhalh lawk vak hian kuthnathawktute rilru a tihnual mai mai awm asin mawle.
Grade ‘A’ chu…
