Grammy stage-ah underwear nen Justin Bieber a perform
Justin Bieber chu Grammy stage-ah a rawn inlan ve leh ta a, mahse, pheikhawk a bun lo va, kawr leh kekawr pawh a ha chuang lo, a boxer chiah hain, guitar a rawn ak chhuak a, ‘Yukon’ a rawn perform.
Kumin Grammy-ah hian Bieber hi a nupui Hailey Bieber nen an kaldun a, 2022 hnua Grammy semnaa an kal dun leh vawi khatna a ni a, a boxer nen chauha perform a pasal Bieber zai laiin a lo buk pui ve nghat nghat bawk. Justin Bieber hian Album of the Year leh Best Pop Vocal Album-ah te ‘Swag’ avangin nomination a nei a, he album-a a hla ‘Daisies’ avangin Best Pop Solo Performance-ah nominate a ni a, “YUKON” avangin Best R&B Performance-ah nominate a ni bawk a, mahse, award a dawng ta lo.
Grammy show host fiamthu thiam Trevor Noah chuan Bieber hi a fiam zauh a, “Justin Bieber pawh kan zingah a rawn tel leh ta hei le. Ani hian thil ropui tam tak a ti tawh. A album Swag avangin Grammy nomination pali a nei. Ka ngaihdanah erawh Grammy aia tha zawk chu, tuna chuan pa niin a rawn kir leh ta a ni. In nupain ka lawmpui che u,” tiin an Bieber nupa chu an fa neih avangin a lawmpui thu a sawi.
Bieber nupa a lawmpui thu a sawi zawhah, “Kum kalta a Justin Bieber-a thil tih zinga mimal taka ka duh zual bik chu, Apple hnenah an keyboard-a dictation button dahbo tura a tih ka a ni. Hero, Justin. Tunah chuan feature thar, phone-a thil kan zawn a, hmuh mai theihna dah turin lo hrilh leh teh. Khawngaihin, Justin, kan mamawh che a nia,” a ti zui zauh bawk.
Grammy stage-ah underwear nen Justin Bieber a perform
