Champhai Grape Growers Society hruaitute chuan Thawhlehni khan chief minister Lalduhoma an hmu a, an harsatna an thlen.
Chief minister chuan an hmunhma a lo tlawh fo tawh avangin harsatna a hriatthiam pui tih a hrilh a. An grape tharte tha taka an hralh theih nan sawrkarin tih theih a neih chu a indawtin tih chhoh zel a tum dawn tih a sawi. Tunah erawh sawrkar an kalpui tan chauh a, sum lama intiamna ang chi engmah an tithei rih lo tih sawiin, “Inpuih theih hun erawh a la awm em em ang, chu hun chu nghak hram hram ang u. Kan sawi fo thin angin, kum khat tal insawhngheh nana hman kan mamawh a ni,” a ti.
Champhai Grape Growers Society hruaitute hian an Society tana chief minister-in hma a lo laksak tawhte an hrereng tih an sawi a. An harsatna hrang hrang chu ziakin an thlen a ni.
Grape chingtuten mamawh thlen
