Greece-ah khuarel chhiatna avangin mi pahnih boral tawh

Greece-ah khuarel chhiatna avangin mi pahnih boral tawh
Greece ram chuan thlipui leh tuilian nasa tak tuar mekin, ruahsur nasa in ziaawm lam a la pan hlei thei lo bawk a, hei vang hian mi pahnihin nunna an chan tawh.
Zirtawpni atang khan he thlipui leh ruahsur nasa hi a intan a, Rhodes thliarkar atanga intan niin, chhiatna a thleng zui nasa hle.
He thlipui leh ruahsur nasa hian a hmun zauh zelin, Lemnos thliarkarah chuan mi pahnihin nunna an chan tawh a, kawngpui tam tak chu tuilianin chimin, building tam tak a chhe tawh bawk.
Mi tam tak chu an chenna hmun atanga sawnchhuah niin, hmun hima awm turin sorkar chuan hriattirna a tichhuak reng a, National Meteorological Service of Greece chuan ruahsur hi a la tam chho thei niin a tarlang.
Greece khawpui laili Thessaloniki-ah pawh chhiatna hi a thleng nasa hle a, kawngpui tam tak chu tuilian hian a chim nasa hle. Nunna chan hi pahnih chauh an awm rih thu sorkar thuchhuah chuan a sawi a, ruahsur leh tuilian hi a zual zel chuan nunna chan hi awm belh thei reng an nih avangin mipuite chu fimkhur turin an la chah reng bawk.