Indian Institute of Forest Management (IIFM) buatsaih Green Climate Fund Readiness & Preparatory Support Phase III chu Ningani khan Odisha khawpui Bhubaneswar-ah neih a ni a, minister B Lalchhanzova chu khuallian a ni.
Workshop hawnnaah B Lalchhanzova chuan, khawvel sik leh sa inthlakin ram thang mekte a nghawng nasa a, chumi do let dan tur leh sik leh sa inthlak mila eizawnna her rem a, hemi in a nghawng hrang hrang awm theite dawnsawn dan lo zir thiam a, UNDP hnuaia GCF hman dan zirchian a ni chu tha a tih thu a sawi a ni.
Mizoram leh India hmarchhak state-te chu GCF hman tangkai mamawh ber zing ami an nih a rin thu sawiin, hmarchhak state-te tan emaw Mizoram tan bik hetiang inrawnkhawm leh inzirtir hi neih a nih ve theihnan Ministry of Environment, Forest & Climate Change leh IIFM hotute a ngen tih a sawi bawk.
Workshop-ah hian Odisha, Chhattisgarh, Jharkhand, Bihar, West Bengal leh Mizoram atangin sawrkar department hrang hrang officials bakah NGO engemawzat an tel a ni.
Green Climate Fund hi United Nations Framework Convention on Climate Change leh Paris Agreement hnuaia kum 2010-a din niin, US dollar tluklehdingawn 100 dah a ni. Ram thanglaiten sik leh sa inthlak avanga an tawrhna tuamdamna atan leh an tawrh zel tur venna atan fund hi din a ni. India ramah GCF hnuaiah project 13, US dollar billion khat hu kalpui mek a ni a. He fund hi sawrkar department hrang hrang, NGO leh pawlten buaipuia a taka hman theih a ni.
Green Climate Fund zirnaah tel
