Grupo Frontera & Grupo Firme ‘El Amor De Su Vida’ 1B vide club-ah

Grupo Frontera & Grupo Firme ‘El Amor De Su Vida’ 1B vide club-ah
Grupo Frontera leh Grupo Firme thawhdunna hla ‘El Amor de su Vida’ (the love of her life) music video chuan YouTube-ah vawi tluklehdingawn en a hlawh thei ta a, an group pahnih tan hian music video hetiang zat YouTube a en hlawh thei an neih hmasa ber a ni ve ve.
He music video hi August ni 3, 2023-a an tihchhuah kha niin, June ni 17, 2025 khan YouTube-ah vawi tluklehdingawn en a hlawh ta tih hi heng Musica Mexicana group te hian an social media platform-ah an puang ve ve a ni.
‘El Amor de Su Vida’-ah hian Frontera frontman Adelaido ‘Payo’ Solis leh Firme frontman Eduin Caz te chuan an bialnu hlui, ngaihzawng dang nei leh ta, hlim taka a awm leh tak hnuah an thil chân an inhriat chhuah leh tak dan vel hlaa an phuahna a ni.
‘El Amor de su Vida’ hi Billboard Hot 100 (singles) chart-ah No.67 a kai pha a, Grupo Frontera debut album ‘El Comienzo’ atanga an single niin, a album hi Billboard 200 (albums) chart top 10 kaiin, he Texas-based group tan Billboard 200 chart top 10-a lang thei album an neih hmasak ber a ni bawk.
Grupo Frontera hla dang, Bad Bunny an thawhpuina ‘UN X100TO’ music video pawhin YouTube billion view hi a hnaih tawh hle a, tunah hian vawi maktaduai 970 view a kai tawh a ni.