Guinness World Record ‘Hottest Kiss’
Canadaa cheng Mike leh Jamie Jack te nupa chuan khawvela hmarcha thak ber pawla sawi habanero peppers an ei zawh chiahah in-kiss nghalin, minute 15 leh second 6.5 chhung in-kiss zuiin Guinness World Record an siam a, an record siam hi habanero hmarcha ei zawhah in-kiss rei ber record a ni. Habanero hmarcha hi a thak dan kan hriatthiam theih dan tur chu hmarcha thak zawng tehna, scoville heat unit-ah 1,00,000 atanga 3,50,000 te a ni a, hmarchapui kan tih ang chi ho hi a scoville heat unit chu 4,000 atanga 8,500 vel a ni ve thung.
Mike leh Jamie Jack te hian an inneih champha vawi 15-na lawm nan he record hi an siam a ni. Mike chuan, “Habanero pum khat ve ve ei nan second 30 chiah hun kan nei a, ei zawh veleh thildang engmah ei lova in-kiss nghal hmak tur a ni,” a ti. Mike hi hmarcha thar ngam ve tak mai a ni a, khawvela hmarcha thak ei lamah record te pawh a lo siam tawh. Jamie erawh hmarcha thak ngam ve tho ni mah se a pasal ang em em chu a ni lo va, tuna an record siam nan hian thla khat vel zet chu habanero hmarcha eiin a lo inpuahchah tawh a ni.
Guinness World Record ‘Hottest Kiss’
