Guyana leh Venezuela te chuan oil-rich region Essequibo an inchuhnaah tharum hman loh ni se tiin inremna an siam.
Venezuela President Nicolas Maduro nena an inhmuh hnuah Guyanese President Irfaan Ali chuan helai bial velah inremna awm se an duh tiin a sawi a.
Mahse Guyana chuan a sovereign space-a chet la turin dikna a nei a ti thung. Thuchhuah a siamah Maduro pawhin ‘inbiakna ni nuam tak a ni’ a ti bawk a. An pahnih hian St Vincent and the Grenadines-ah an inhmu a ni.
Joint declaration phek thum tichhuakin ram pahnihte chuan ralthuam leh tharum hmang lova inbiakna neih chhunzawm zel ni se an ti dun a.
Chu mai bakah foreign minister joint commission din ni se ram inchuhna lai te enfiah ni se an ti bawk a, Essequibo chungchang sawi leh tur hian Brazil-a inhmuh an intiam bawk.
Guyana chuan Essequibo chungchang chu International Court of Justice, The Hague-in chingfel se a ti a, mahse, Venezuela chuan he court jurisdiction hi a pawmpui a ni ve bawk si lo a ni.
Essequibo hi 160,000 sq km jungle region niin guyanese territory hmun thuma thena hmun hnih a awh a ni. He lai hmun hi tun hma atang tawha ram pahnihte buaina a ni tawh a.
Kum 2015-a Essequibo coast a oil hmuhchhuah a nih hnuah Venezuela chuan a chuh na zual ta a ni.
Guyana leh Venezuela ten tharum hman duh lo
