Kum 6 chhungin Mizoramah ram hectare 373-a zauah a chinin ramhmul damdawi chin a ni.
Parliament Session kal meka Mizoram Rajya Sabha member K Vanlalvena zawhna Union Minister of Ayush Sarbananda Sonowal chhan danin, kum 2015 atanga 2021 chhungin Mizorama hectare 373-a zauah ramhmul damdawi (medicinal plant) chinna hmun siam a ni a. Ramhmul damdawi chinna hmun venhim leh humhalhna atan Mizoram Forest Department project siam, nuai 190.77 chu sawrkar laipuiin pawmsakin, first instalment atan nuai 76.30 Mizoram sawrkar hnenah a pe tawh.
Aizawlah Ayush Hospital khum 50 awmna dinna atan nikum khan first instalment cheng nuai 69.609 Mizoram sawrkar pek a ni a, second instalment atan nuai 100 pawm thar leh tawh a ni. Saitualah Ayush Hospital dinna turin nuai 100 pawm a ni tawh bawk.