Hachhek biala MLA din tum pakhatin ran talha tlang a hrai leh zirlaite school luhna tur fee tum sak vek a tum thu a sawi chu, political party-te nena an thawhhona thuthlung an ziahhnan vek tawh kalh a nih avangin an ngai thutak hle tih Mizoram People Forum chuan an sawi.
MPF Gen. Hqrs. thuchhuak chuan, tunhnaiah Hachhek Assembly constituency-a ding tura political party pakhat candidate puannaah ran engemawzat talhin mipui sang chuang tan ruai buatsaih a ni tih hriat a nih bakah he candidate tura puan hian higher secondary school leh college hrang hranga zirlai admission fee tumsak vek a tum thu a puang nia thu an dawng tih a sawi.
‘Inthlan campaign na’na ruai theh, sum, therhlo leh a thlawna thil tih sak intiam hi MPF leh political party-te thawhhona thuthlung bawhchhiatna a ni a. MPF chuan he thil thleng hi a la thutak hle a, hetiang thil hi khawi hmunah mah thleng tawh lo se kan ti,’ tiin, MPF chuan party hrang hrangte chetdan hi thlirin a vil zui zel dawn tih a sawi a. Political party-te nena an thawhhona thuthlung chu rinawm taka zawm zel turin party zawng zawng a ngen thar tih a sawi a ni.
Hachheka din tum chet danin thawhhona siam a kalh – MPF
