Hailey-i’n Selena thlalak a like
Selena Gomez leh Hailey Bieber te chuan neuh neuh an neih hnuah an inkar an siamtha leh taw a, Instagram-ah an in-follow ve ve tawh a, thlalak te pawh an in-like sak ta. Hailey hian Selena bikini nena a awm lai thlalak chu a like a, hei hian an inkar a tha tawh tih a tichiang lehzual ta a ni.
Selena hian a thlalak hlui, a sam pawh a la tibuan therna leh bikini a hakna chu post tharin, a caption-ah ‘TPT to blondie sel. Nipui a thaw leh dawn ta! Thil thar tam tak a awm dawn e,” a ti a, Instagram-a a follower maktaduai 405 zinga a thlalak like-tu zingah Hailey pawh hi a tel ta a ni.
Selena leh Hailey te inkara neuh neuh awm ni a ngaiin fans lam pawh an che nasa hle a, Hailey hian Selena hnenah thaha vauna hial te a tawh tak thu a thlen hnuah, Selena chuan tharum thawhna lam rawngkai reng reng a ngaihdan a nih loh thu te puangin, Hailey thlavang a hauh a, chumi hnuah Hailey pawhin Selena-in a thlavang a hauh avanga lawmthu te a post ve leh a, an inkarin that lam a pan ta zel a, tunah chuan an inkarah huatthu engmah a awm lo tih an lantir ta zel a ni.
Hailey-i’n Selena thlalak a like
![](https://theaizawlpost.org/wp-content/uploads/2023/03/hailey.jpg)