United Nations hnuaia International Organization for Migration (IOM) chuan Haiti-a mi sual rual tharum thawhna thleng thin avangin an ram chhung veka baihvai chu a let thuma pungin maktaduai khat an chuang tawh niin Thawhlehni khan a sawi.
An dinhmun hi an khawpui, Port-au-Prince-ah a chhe zual a, baihvai chu kum 2023 leh 2024 chhungin 87% zetin an pung niin IOM chuan a tar lang.
Gang-ho hian khawpui pum deuhthaw an thunun tawh a, hei hian damdawi in leh hriselna lam thila chetvelna a tibuai vek a, ei leh in tur ngaihvenna pawh a buai phah hle bawk.
Nikum chhung ringawt khan Haiti-ah hian mi sual chetna avang hian mi 5,600 zet an thi a ni.
IOM thupuangtu, Kennedy Okoth Omondi chuan mi maktaduai khat chuang hi gang-hovin Port-au-Prince-a an ram chin an zauh zel avangin an tlanchhe nawn awn awn niin a sawi.
An khawpui ber hi 85% zet gang-ho hian an thunun tawh niin a sawi.
Port-au-Prince-a tlanchhe tam ber hi a rethei veng deuhva mi an ni a, heng hmun hi thil lam maina tur vânna lai a ni tih IOM chuan a sawi.
Director-General Amy Pope chuan Haiti hian ‘nunna chhan nan baihvaite puihna tur thil’ a mamawh nghal tak zet tih a sawi.
Baihvaha awm mek zinga a zahve vel hi naupang an ni lehnghal niin IOM chuan a sawi bawk.
Agency chuan chhungkuate hian an hriselna leh an himna tur an ngaihtuah bakah an dam khawchhuahna tura an ngaihven a ngai tak zet niin an sawi.
Haiti ram hi kum 2021-a an president, Jovenel Moïse-a thah a nih atang khan an buai a zual tan.
UN-in a puih ram dang venhim hna thawktute chu June-ah khan lutin mi sualte thunun hmunte chu chhuhsak tumin an bei.
Hetih lai hian ram dang atanga lut, Haitian National Police tichak tura tihte hian ralthuam tha tak tak nei gang-te bei tur hian puihna sum leh hmanrua an nei tha tawk lo.
Inthlan buatsaiha mipui rorelna ram din lehna tura tih, Transitional Presidential Council (TPC) pawh din ni mah se awmzia a la awm thui thei lo.
TPC hian N
Haiti-ah gang chetna avanga baihvai a let thumin pung
