Halpuah laka district fihlima
inpuang Serchhipin hma la tan
Hunpui lo thleng turah halpuah, halmawi leh puakthei thil dang hal, zawrh leh hralh awmlohna ‘Free Halpuah District’ bultanna turin a tumkhatna atan Thawhtanni khan Serchhipah ‘Joint Special Drive’ neih a ni.
‘Free Halpuah District’ a puanna hi khuhhawn hmasak a ni a. Serchhip SDPO PB Singh chuan halpuah, halmawi leh puakthei thil dang hal, zawrh leh hralh khapna thupek kenkawh hna thawk tura pen chhuak magistrate leh NGO aiawhte chungah lawmthu sawiin, kum dangah pawh Serchhip district chu district thuawih leh dan leh thupek kengkawh tha ber a ni thin a, kumin hunpuiah pawh Police leh NGO nen lungrual leh hlawhtling taka he thupek kenkawh hna hi an thawhho a beisei tih a sawi a ni.
Hemi hnu hian Serchhip Police leh NGO hrang hrang aiawhte hi group hnihah inthenin, a bultanna atan district capital -Serchhipa dawr leh bazarah dan phal loh puakthei thil zuar leh hralh an awm leh awmloh enfiah a ni a; sawrkar phal loh thil zuar leh hralh lo turin sumdawngte chu an hriattir nghal zel bawk.
Serchhip SP MS Dawngkima hoa thukkhawm chuan Mizoram sawrkar leh Serchhip district magistrate-in thupek a lo chhuah tawh kenkawhna bultanna leh Serchhip district chu halpuah hal awmlohna district-a puan an remti tlang a ni.
Halpuah laka district fihlima inpuang Serchhipin hma la tan
