Gaza-a inkahhai a awm theih nana Israel-in a phut pakhat chhangin Hamas chuan Palestinian-te ram a ding lo a nih chuan an ralthuam an dah theih loh thu an sawi.
Palestinian ralthuam keng pawl hian US President Donald Trump-a Middle East envoy Steve Witkoff-a’n inkahhai awmna tura hma a lak meknaah an duh ang a hlawhtling a nih chuan Hamas hian ‘ralthuam tun’ an hreh lo tih an sawi.
Israel-in indona tihtawp nana an thil phut lian zingah Hamas-in an ralthuam an tun a tel a ni.
Mi dang kaltlanga inkahhai a awm nan leh mi hre chhuah an nih theih nana Israel leh Hamas indawrna hi kar hmasa atang khan a tawp rih mek.
Tun hnaia France leh Canada tela khawthlang ram thenkhatin Palestine ram an pawm tur thu an puan hnuah Arab sorkarte chuan Hamas chu an ralthuam dahah Gaza an thununna chu hlan mai turin an ngen hlawm a. UK pawhin Israel-in September thlaa indo a la titawp lo anih chuan Palestine ram hi pawm a tum ve bawk.
US, UK leh EU ten firfiak pawla an chhal, Hamas hian ‘ram pakhat, Palestinian-te ram, an khawpui atana Jerusalem neitu’ an nih hma chuan chu mi dangtu ‘lo do leh ralthuam ken’ theihna dikna chanvo an neih chu an thlah dawn lo tih thu an chhuah.
Israel Defense Forces (IDF) Lt Gen Eyal Zamir chuan Zirtawpni khan indawrnaah Hamas-in mi an hrente an chhuah lo a nih chuan Gaza-a indona hi an chawlhsan dawn lotih a sawi ve thung.
Witkoff-a chuan kartawpah khan Israel a tlawh a, hetih lai hian Prime Minister Benjamin Netanyahu-a sorkar chu Gaza-a chengte dinhmun hniam lutuk avangin a chet dan titawp rih tura nawrna na tak a tawng mek.
UN agency-te chuan Gaza-ah hian mihringin a siam tampui mitthi a thleng dawn nia sawiin a luhna zawng zawng thununtu, Israel chu a mawhpuh a. Israel hian puihna luhna an dan loh thu leh ‘tam’ a thleng lo niin a sawi ve thung.
Hamas-in Palestine ram din lova ralthuam tun tum lo
