Hamburger za hnih khat man pawh to kan tih tawh nak laiin, khawvela hamburger (standard size-ah) man to ber chu Euro 5,000 (Rs 4,48,130 vel) man a kai daih mai le. He hamburger hi rangkachak a tuam, caviar nena pawlh a ni.
He hambueger hi a hmingah ‘The Goden Boy’ an ti a, Voorthuizen, Gelderland, Netherlands-a The Daltons restaurant-a an menu-ah an tarlang khalh a, a siamtu hi chef Robbert Jan De Veen a ni.
A chhang hi Dom Perignon champagne hmanga nuai a ni a, gold leaf (ei theih) a khuh a ni bawk. Wagyu beef an hmang a, king crab leh caviar a dah tel bawk. Hei bakah hian onion rings, champagne a chiah a la hmang tel lehzel a ni.
He hamburger hi a man a to tluk bawkin a tui hle niin an sawia, a thlum, thur, al deuh niin an sawi.
Hamburger manto ber
