Hammers-ah Maguire leh James
West Ham United transfer news thar hriat tur a awm a, defender Harry Maguire leh midfielder James Ward-Prowse lei an remti.
London club hian Manchester United-a sawisel hlawh nasa tak Maguire leh Southamp-ton player James manah hian belhk-hawmin pound makta-duai 60 an seng niin media lamin an tarlang a, pound maktaduai 30 ve ve man an ni.
Kum 30 mi Maguire hi season liamta khan Old Trafford-ah tal-buaiin, first-team hmun nghet a chang hlei thei ta lo a, tun season-ah phei chuan a captain nihna pawh hlihsak a ni hial tawh a ni.
August 2019 khan khawvela defender man to ber (world record £80m) nihna nen United-in an senglut a; season liamta khan a club tan game 30 khel tling mah se league-ah vawiriat chiah starting line up a chang!
Season tharah hian chhuak loin United thuam inbel leh pawh ni se Old Trafford-ah hian fifth choice central defender niin, Lisandro Martinez, Rafael Va-rane, Victor Lindelof leh Luke Shaw-te theihloh hun a nghah mai mai a ngaih tawh hmel!
A captain nihna a hlihsak tum khan boss Erik ten Hag chuan player pawimawh a la nih chhunzawm zel tur thu sawi chungin Maguire chu team-a hmun changlet leh turin mimala a beih a ngaih tur thu a lo sawi tawh a ni.
Manchester United-a a dinhmun a pheh laiin Maguire hian England under Gareth Southgate-a duhsakna erawh a la dawng chhunzawm tho a, 2022 World Cup-a game nga an khelhah khan lut hmasa zingah a tel fai vek a ni.
Season thar atana inbuatsaihna an kalpui laiin Borussia Dortmund nena pre-season friendly-ah English defender hi United fans lam thung chuan an ‘boo’ khum chiam a; goalkeeper thar Andre Onana pawhin a vin hrep bawk!
West Ham thuam inbel tur pakhat zawk Ward-Prowse hi kumin nipui thawt chhung zawng khan lakluh an tum ngar ngar a, mahse, season liamtaa Cham-pionship lama tlathla ta Southampton-in an dan theih chhung an dang a, mahse, an captain hi an uibet zo ta ngang lo a ni.
West Ham United hian Arsenal hnenah Eng-land midfielder Declan Rice chu pound maktaduai 105 tehrenga hralhin, Italy striker Gianluca Scamacca pawh Atalanta lamah pound maktaduai 21.5-in an kaltir tawh a, an squad tichak turin sum an nei thawkhat tura ngaih a ni.
Hammers boss David Moyes chuan Rice thlaktu atan hian Ajax player Edson Alvarez a hnaih zel a, Manchester United player Scott McTominay nen pawh sawizawm a ni mek.
Hammers-ah Maguire leh James
