Handloom-ah NE state ho quality
khat hmanga branding kalpui rawt
Ministry of DoNER hnuaia High Level Task Force on Handloom & Handicraft chu Nagaland chief minister Neiphiu Rio kaihhruaiin inbiak hmuh theihna hmangin Thawhlehni khan an thukhawm a. Member a nih angin chief minister Lalduhoma pawhin a office atangin a lo zawm.
Mizoram chief minister chuan India rama handloom lama hna thawk thei mihring zaa 60 chu hmarchhaka awm an ni a. Hei hian handloom lama hma kan sawn zel theih zia a tichiang tih a sawi.
Hei vang hian a taka chantir theih hmalakna tur (road map) duangin, common facility centre nei thluah ila, kan puantahtute (artisan) training pe in, state leh state inthlunzawmna siam ila, hmarchhak product chu quality standard pakhat hmangin branding kalpui ila, skill & design lamah thil thar (innovation) neih tumin uar ila, khawvel hriat khawpa Textile Hub langsar takah kan insiam theih ka ring, tiin a rawtna a sawi a ni.
DoNER minister Jyotiraditya Scindia, Union minister of Textiles Giriraj Singh bakah hmarchhak state chief minister leh an aiawh minister ten thu an sawi bawk.
Ministry of DoNER hian India hmarchhak bialin hmasawnna kawng dik a zawh theihnan High Level Task Force 8 a din a, state bil anga hmasawnna ruahman ringawt loa, hmarchhiak bial pum tana tangkai tur, state hrang hrang huapzo (cluster approach) duan chhuah tumin an thukhawm thin. Thla thum chhungin Task Force report peih hman tum a ni.
Handloom-ah NE state ho qualitykhat hmanga branding kalpui rawt
