Harsat laia ram kaihruai tura
ruat kan ni – Er Lalrinawma
Ramin harsatna a tawh laia ram rorelna chang turin harsatna tam tak paltlang tawh party chu Pathianin a ruat tih MNF adviser, minister Er Lalrinawma chuan a sawi.
Tuikum Bial MNF political training, Thawhlehnia Chhingchhipa neih a hmanpuinaah Tuikum bialtu MLA ni bawk Er Lalrinawma chuan MNF party chu a din tirh atangin he ram tan nghet takin a ding reng a, sawrkarna pawh Pathian leh mipui zarah chang tawh thinin, he ram tan hian nasa takin a thawk thin a. Ram leh hnam tan theihtawp a chhuah zel dawn tih a sawi.
“Chief minister Pu Zoramthanga remhriatna hi a fakawm em em a. Harsatna kara mipui kaihruai tura thuneihna pek kan ni hi, harsatna tam tak paltlang tawhtu party kan nihna leh Pathian hian hun harsa rorel turin min ruatah ka ngai a. Heng harsatna kan tawh zawng zawnga mipui, NGO, kohhran leh political party-te thawh hona tha tak kan nei kha lawmthu ka sawi a ni,” a ti.
Harsat laia ram kaihruai tura ruat kan ni – Er Lalrinawma
