Harsatna tawk hmeichhia 60-in thlen
International Women’s Day denchhenin National Commission for Women leh State Commission for Women chuan India ram pumah “Maha Jan Sunwai” (Free Legal Public Hearing) a buatsaih a. Mizoramah pawh March 9-13 chhung hian district zawng zawngah hman a ni. Mizoram State Commission for Women bakah district tina bawrhsap, superintendent of Police, District Legal Services Authority leh Women & Child Development atangin an hmanpui.
Hmeichhia dikna chanvo rahbehna hrang hrang tuarten complaint an thehlut a. Inchhungkhura hleilenna eng kawng pawha tawk, nupa kar harsatna avanga hmeichhe chunga tawrhna thleng, hnathawhna hmuna thawhpui mipate atanga harsatna tawk, chhaih nawmnah tawk leh eng kawng pawha hmeichhia nihna avanga hleilenna leh nekchepna tawkten harsatna a thlen a ni.
Free Legal Public Hearing hi a tawp ber leh hmawr bawkna atan Ningani khan Aizawlah Mizoram State Commission for Women chuan a buatsaih a. Aizawl bawrhsap, Aizawl SP, Mizoram State Legal Services Authority, District Legal Services Authority leh Women & Child Development atangin an hmanpui. Case 14 an dawng a, heng hi ngaihtuah niin, an harsatna azirin chinfel nghal a ni a, chinfel mai theih loh chu legal aid pek an ni.
He hun hman chhung hian Mizoram pumah case lut 60 a awm a, a tam zawk hi chinfel sak an ni. Case dang a hmuna chinfel theih loh hi District Legal Services Authority, Police, One Stop Centre, protection pfficer (Domestic Violence) Court, Child Welfare Committee-ah refer an ni.
Harsatna tawk hmeichhia 60-in thlen
